عتاب الشاب للفتاة

محاورة عتابية بين شاب وفتاة كانت تربطهم علاقة حب

*********عتاب الشاب للفتاة *********

بهاي عيوني شفتج لا تنكرين
وهذا الوجه ما يخفى عليّه
مو انا اللي شفتج .. لا تكولين ..
اميزج لو كنتي بين ميّه ..
صحيح وياج جايز تغلط العين
بس القلب شافج كال هيّه
اكولج وين شفتج اذا تريدين
بالمكان اللي كنا نكعد بيه سويّه
واكولج حتى انتي شكنتي تلبسين
من شفته عليج شصار بيّه
يبه.. نفس الثوب هذا اللي كبل شهرين
جبته بعيد ميلادج هديّه
وهاي الساعه بيدج ما تذكرين
جبتها بسبب تأخيرج عليّه
المحابس و التراجي و كحلة العين
نسيتي آنا جايبهن بايديّه..
قناني العطر كانت وحده و اثنين
او سويتج صدق اجمل بنيّه..
جبت لج كل شي حتى انتي تتحلين بيهن مو ليّه
حصت غيري صاير تعب السنين
وانا بس المشترى صاير عليّه .. .. .. ..

********* رد الفتاة *********

صحيح انا اللي شفتها وانت مو غلطان
بنفس الثوب هذا اللي جبته ليّه
وصحيح انا كنت و يا شخص ثاني
وما انكر . اكولك آني هيّه
صدق كل اللي كلته
ما انكر .. صحيح جبتهن كلهن ليّه
بس آني انطيتك كدهم اضعاف
حنان و لهفه و لوم الناس بيّه
كنت اشكد اجازف من اجي لك
واتحمل حجي امي عليّه
الاشياء اللي جبتها .. ألك انت البسهن انا وتتباها بيّه
جبتهن على ذوقك مو بذوقي لبستها لخاطرك ما تلوك ليّه
هداياك اللي كلي وش تساوي
شو توازي شبابي أي هديه
انا انطيتك عمر سلمته بيدك
بساعه و محبس .. تمن عليّه
وجاي اليوم اللي تعايرني بيهن
اظن عمرك ولا مقدم هديّه
وانا ما شفت منك أي نتيجه
وصارسنين اريدك تحس بيّه
شفت العمر يجري وكل شي ماكو
كلت الحك بنفسي أنا شبيّه؟
من أظل وياك يتركني قطاري
بأخر لحظه صرت آني ذكيّه
جبت لج ما جبت لج هذا همك !!
لكن ترتبط ما إلك نيّه
اما الشخص هذا اللي كان وياي
اعتبره انا اجمل هديّه
من اول يوم عرفته
حسيته صادق .. إجانا لبيتنا و يطلب أيديّه
وقارنتك انت وياه مرات
شفت القلب يمّك
لكن الحب حبيبي بهذا الزمن .. عشره بالميّه
والتسعين انا بحاجه إلهن
زواج واستقرار و أحلام ورديّه
لذلك قررت اختار غيرك
مو حقك تجي وتلوم بيّه
واذا انا قبلت قبل بهداياك
اسمح لي ارجعها الهديّه
ترا بخاتم الخطبه تزهي ايديّه .. .. .. ..

عتاب الشاب للفتاة Eh_s(14)

ولك تعيرني عتاب الشاب للفتاة Eh_s(13)

شكرا على الموضوع الرائع

» اقوى قصيدة عتاب